ՀՀ ԿԱ քաղաքաշինության պետական կոմիտե

13.07.2017

Սոս Սարգսյանի անվան համազգային թատրոնի շենքի խնդիրը լուծվել է. Վիգեն Չալդրանյան

13.07.2017; http://www.yerkir.am/news/view/133236.html

Սոս Սարգսյանի անվան համազգային թատրոնի շենքի հարցը լուծվել է: Այսօր` լրագրողների հետ հանդիպման ժամանակ, հայտարարեց ռեժիսոր Վիգեն Չալդրանյանը, ով վերջերս ստանձնել էր թատրոնի` գեղարվեստական ղեկավարի պաշտոնը:

Չալդրանյանը նշեց, որ սեպտեմբերից կսկսվի թատրոնի շենքի կառուցումը: «Սեպտեմբերին ԵԹԿՊԻ-ի մոտակայքում կսկսի կառուցվել նոր շենքը: Համազգային թատրոնը դարձել է իմ երկրորդ տունը, քանի որ այսօր ստանձնել եմ թատրոնի և՛ տնօրենի, և՛ գեղարվեստական ղեկավարի առաքելությունը: Պետք է կարողանանք ոտքի հանել շատ բաներ: Շուտով կքանդվի թատերական ինստիտուտի հարևանությամբ գտնվող մի մեծ, դատարկ, վթարային շենք, և զրոյից պետք է սկսենք թատրոնի շենքի շինարարությունը»,-ասաց Չալդրանյանը:

Նա նշեց նաև, որ արդեն իսկ աշխատում է ճարտարապետների հետ.«Ես աշխատում եմ Նարեկ Սարգսյանի հետ, քանի որ հեշտ բան չէ թատրոն կառուցելը, այն հասարակ շենք չէ: Անկախության ձեռքբերումից հետո սա առաջին թատրոնի կառուցումը կլինի, քանի որ մենք 25 տարվա մեջ միայն կորցրինք ու վաճառեցինք մեր թատրոնները»:

Հետադարձ կապ

Սոս Սարգսյանի անվան համազգային թատրոնի շենքի խնդիրը լուծվել է. Վիգեն Չալդրանյան