16.12.2016; http://armenpress.am/arm/news/872181/2017-tvakanin-hayastanum-hanrahayt-tchartarapetner-khyurynkalven.html

Փորձի փոխանակման շրջանակում հնարավոր է, որ հաջորդ տարի Հայաստանում հյուրընկալվի շվեյցարացի աշխարհահռչակ ճարտարապետ Մարիո Բոթան: ՀՀ ԿԱ քաղաքաշինության պետական կոﬕտեի նախագահի ﬕջազգային կապերի գծով խորհրդական Արﬔն Մինասյանը դեկտեմբերի 16-ին լրագրողների հետ հանդիպմանը ներկայացրեց Ալեքսանդր Թամանյանի անվան ճարտարապետության ազգային թանգարան-ինստիտուտի առաջիկա և տարվա ընթացքում կատարած աշխատանքները, համագործակցությունը տարբեր երկրների հետ: «Շվեյցարացի ճարտարապետի այցելությունը հետաքրքրաշարժ կլինի ոչ ﬕայն հայ, այլև հարևան երկրների ճարտարապետների համար: Նա վարպետության դասերով հանդես կգա բուհերի ուսանողների համար»,-«Արﬔնպրես»-ի հաղորդմամբ` նշեց Արﬔն Մինասյանը:

Ամփոփելով տարին՝ խորհրդականն ասաց, որ փետրվարի 7-ին թանգարանում իրականացվել է «Նոր Ջուղա» խորագրով ցուցահանդես: Այն հայկական պատմական թաղամաս է Իրանի հին մայրաքաղաքում: Ներկայացվել են հայ եկեղեցիների լուսանկարները, անցկացվել երկու դասախոսություն հայկական պատմական տներ, խոջայական ապարանքներ թեմաներով:

Խորհրդականն ընդգծեց, որ կոﬕտեն ﬕջազգային ուղղությամբ որդեգրել է հետևյալ ռազմավարությունը` օգտագործել ճարտարապետությանը վերաբերող հնարավոր ﬕջոցները փորձի փոխանակում իրականացնելու և հայ ճարտարապետությունը տարածելու համար:

Տարվա ընթացքում հանդիպում է եղել նաև Ճապոնիայի դեսպանի հետ: Երկու կողﬔրը խոսել են կարճաժամկետ և երկարաժամկետ համագործակցության մասին: Հանդիպման ﬕտումը քաղաքաշինության բնագավառում Հայաստան-Ճապոնիա համագործակցության շրջանակը հստակեցնելն էր տարբեր ուղղություններով` սեյսմակայուն շինարարություն, նոր տեխնոլոգիաներ և շինանյութեր, շենքերի ջերմաﬔկուսացման արդյունավետ համակարգեր, խելացի և կանաչ քաղաքներ:

«Թամանյանի թանգարանը փոխգործակցության հուշագիր է ստորագրել Իրանի ճարտարապետների ﬕության հետ: Արդյունքում հույս ունենք, որ Հայաստանում տեղի կունենա իրանահայ հայտնի ճարտարապետներ Վարդան Հովհաննիսյանի և Փոլ Աբգարի գրքերի շնորհանդեսները»,-շեշտեց Արﬔն Մինասյանը:

Մինասյանն ընդգծեց, որ հաջորդ տարի ցանկանում են կյանքի կոչել «Ճարտարապետությունը մանուկների համար» ծրագիրը, որի շրջանակում երեխաները մասնագետների հետ ծանոթանում են ճարտարապետությանը, կրթվում և հետագայում ճիշտ պահանջներ ներկայացնում ճարտարապետներին»,-ասաց նա: