18.05.2016; http://news.am/arm/news/327815.html

Վթարային բնակելի շենքերի համար կարող են նոր վարկեր պահանջվել: Այս մասին Հայաստանի Ազգային ժողովում կառավարության հետ հարցուպատասխանի ժամանակ հայտարարել է քաղաքաշինության նախարար Նարեկ Սարգսյանը:

Հանրապետությունում բարձրագույն՝ 4-րդ կարգի ավելի քան 20 վթարային բնակելի շենք կա: Հարկ կլինի վերաբնակեցնել ավելի քան 700 ընտանիքի, 50 հազար քառակուսի մետր բնակտարածքում: Այս ամենի համար շուրջ 10 մլրդ դրամ է պետք (21 մլն դոլար - խմբ.):

3-րդ կարգի վթարային շենքերի համար շուրջ 400 մլն դոլար է անհրաժեշտ, քանի որ այդպիսի շենքերի թիվը շատ ավելին է:

Այս շենքերի խնդիրն անհրաժեշտ է լուծել առանց հապաղելու, քանի որ դրանք սպառնում են բնակիչների անվտանգությանը: Նախարարությունը հանդիպումներ է ունեցել նորագույն տեխնոլոգիաների մատակարարների հետ, բայց նշված գների առումով զգալի փոփոխություններ չեն գրանցվել:
Այս տարի, մի քանի տարվա ընթացքում առաջին անգամ, Կառավարության անդամներն այցելել են Ապարան քաղաքի այդպիսի մի շենք. նոր նախագիծն արդեն պատրաստ է:

«Ընդհանուր առմամբ, սա հենց այն դեպքն է, երբ չի կարելի բացառել նոր վարկերի անհրաժեշտությունը: Չի կարելի մարդկանց ստիպել սպասել, երբ խոսքը նրանց կյանքի եւ անվտանգության մասին է»,- հայտարարել է նախարարը: