 (2).jpg)
.jpg)
Նախարարը մեծ ջանքեր է գործադրել, որ «Հին Երևան» ծրագիրն իրողություն դառնա. քաղաքաշինության փոխնախարար
11.03.2015; tert.am
Նախարարը մեծ ջանքեր է գործադրել, որ «Հին Երևան» ծրագիրն իրողություն դառնա: Այս մասին Tert.am-ի հետ զրույցում ասաց քաղաքաշինության փոխնախարար Ռուզան Ալավերդյանը:
«Ես դրական եմ համարում` ինչ-որ ժամանակ քանդված, ապամոնտաժած շինությունների հավաքելը՝ միջավայր ստեղծելու համար»,-ասաց նա:
Նա նշեց, որ մեր հուշարձանների, հին շինությունների պահպանությունն օրենքով է սահմանված, ինչը և արվում է:
Ինչ վերաբերում է Աֆրիկյանների տան ապամոնտաժմանը, ապա փոխնախարարն ասաց, որ դրանով տրանսպորտային համակարգի մեծ խնդիր էր լուծվում:
«Ապամոնտաժել և տեղափոխել մեկ այլ վայր՝ օրենքով էլ թույլատրվում է, ինչի համար ստացված է նաև կառավարության թույլտվությունը: Կարծում եմ, որ այդ կիսաքանդ, կիսաավեր կառույցը պետք է իրեն հարիր միջավայրում վերակառուցվի»,-ասաց նա և նշեց, որ դա դրական է գնահատում: