 (2).jpg)
.jpg)
Խորհրդակցություն՝ էներգաարդյունավետ լուծումներով ցուցադրական բնակելի տան կառուցման հարցերի շուրջ
ՀՀ քաղաքաշինության կոմիտեի նախաձեռնությամբ՝ ՀՀ Լոռու մարզպետարանում 2018 թվականի սեպտեմբերի 24-ին տեղի է ունեցել խորհրդակցություն՝ երկրաշարժի հետևանքով անօթևան մնացած ընտանիքների բնակարանային խնդիրների լուծմանն ուղղված պետական աջակցության ծրագրի շրջանակներում նորարական տեխնոլոգիաներով և էներգաարդյունավետ լուծումներով բնակելի տների կառուցման հնարավորությունների, ինչպես նաև այդ տեխնոլոգիաների փորձարկման նպատակով կառուցվելիք ցուցադրական բնակելի տան կառուցման հարցերի շուրջ:
Խորհրդակցությանը մասնակցել են ՀՀ քաղաքաշինության կոմիտեի, ՀՀ Լոռու մարզպետարանի և շինարարական կազմակերպության ներկայացուցիչներ, ՀՀ Լոռու մարզի գյուղական համայնքների ղեկավարներ:
Խորհրդակցությունից հետո Կոմիտեի, մարզպետարանի և շինարարական կազմակերպության ներկայացուցիչները տեղում ծանոթացել են ցուցադրական տան կառուցման նպատակով ՀՀ Լոռու մարզի Մեծ Պարնի համայնքում նախատեսված տարածքին: