 (2).jpg)
.jpg)
Անկախության քաղաքաշինության այս փուլում ՀՀ քաղաքացին պաշտպանված է լինելու
ՀՀ քաղաքաշինության կոմիտեի նախագահ Ավետիք Էլոյանի շնորհավորանքը Անկախության օրվա առթիվ.
Սիրելի՛ հայրենակիցներ, շնորհավորում եմ բոլորիս Անկախության 27-րդ տարեդարձի առթիվ։
Անկախության քաղաքաշինության տարբեր փուլերում տեղի ունեցած գործընթացները, ձեռքբերումներն ու բացթողումները տարբեր եզրահանգումների կարող են հանգեցնել։
Սակայն այսօր Քաղաքաշինության կոմիտեի օրակարգում մեկ հարց է դրված։
Ինչպիսի՞ն պետք է լինի, ըստ ՀՀ քաղաքացու, իր անկախ երկրի քաղաքաշինությունը։ Հարց, որը տարիներ շարունակ բարձրացվել, բայց միշտ չէ, որ պատասխանը տեղ է հասել։
Այսօր արդեն Կոմիտեն բոլոր խնդիրներն ընդհանրացնում և դրանց վերլուծության հիման վրա գործունեության նոր ուղեցույց է ձևավորում։
Ապագային ուղղված նոր մտածողություն, համարձակ մտահղացումներ, կոտրվող կարծրատիպեր՝ այո՛, այս ամենը խրախուսվելու է, սակայն ո՛չ նորմերի խախտման, ո՛չ Կենտրոնի կառուցապատման և մարդկանց բաժին ընկնող կենսական տարածքի հաշվին։
Անկախության քաղաքաշինության այս փուլում ՀՀ քաղաքացին պաշտպանված է լինելու։
Այս սկզբունքներով է առաջնորդվելու ոլորտի քաղաքականությունն իրականացնող մարմինը։