ՀՀ ԿԱ քաղաքաշինության պետական կոմիտե

13.07.2018

<<Առաջինները>>. ցուցահանդես նվիրված Առաջին հանրապետության 100-ամյակին

ՀՀ քաղաքաշինության կոմիտեի Ալ. Թամանյանի անվան ճարտարապետության ազգային թանգարան-ինստիտուտի <<Թամանյան>> սրահում, 2018-ի հուլիսի 17-ին, ժամը 15:00-ին տեղի է ունենալու Առաջին հանրապետության 100-ամյակին նվիրված ցուցահանդեսի բացումը:

<<Առաջինները>> խորագիրը կրող ցուցահանդեսում ներկայացվելու են ինչպես Հայաստանի Առաջին հանրապետության վարչապետ, ճարտարապետ Հովհաննես Քաջազնունու, այնպես էլ 1924-1938 թթ. Երևանի առաջին գլխավոր ճարտարապետ Նիկողայոս Բունիաթյանի և Հայաստանի առաջին կին ճարտարապետ Աննա Տեր-Ավետիքյանի աշխատանքներից, որոնք պահպանվում են թանգարան-ինստիտուտի արխիվներում:

Ցուցահանդեսի կազմակերպման աշխատանքներին օժանդակել են Բունիաթյանի ընտանիքի ժառանգները` տրամադրելով ընտանեկան արխիվային նյութեր:

Հասցեն՝ ք. Երևան, Կառավարական շենք N 3, մուտքը՝ Հանրապետության փողոցի կողմից:

Ցուցահանդեսը գործելու է մեկ ամիս:

Մուտքն ազատ է:

Հետադարձ կապ

<<Առաջինները>>. ցուցահանդես նվիրված Առաջին հանրապետության 100-ամյակին