 (2).jpg)
.jpg)
Ավարտվել է ՀՀ կառավարության պատվիրատվությամբ իրականացվող Վանաձորի բժշկական կենտրոնի կառուցումը
ՀՀ ԿԱ քաղաքաշինության պետական կոմիտեի նախագահ Նարեկ Սարգսյանը ոլորտի պատասխանատուների և ճարտարապետների հետ այցելել է ՀՀ Լոռու մարզ, ծանոթացել 2014 թվականին քաղաքաշինության նախարարության պատվիրատվությամբ մեկնարկած Վանաձորի բժշկական կենտրոնի ամբողջապես ավարտված շինաշխատանքներին:
Ն. Սարգսյանը բարձր է գնահատել կատարված աշխատանքների որակը: Քննարկվել է նաև ՀՀ ԱՆ «Առողջապահական Ծրագրերի Իրականացման Գրասենյակ» ՊՀ կողմից Համաշխարհային բանկի միջոցներով իրականացվող առողջապահական սարքավորումների մոնտաժման ժամկետների հետ կապված հարցերը:
Դեռևս 2016 թվականի հոկտեմբերին ՀՀ նախագահը Լոռու մարզկատարած այցի շրջանակում այցելել էր Վանաձորի բուժկենտրոնի շինհրապարակ՝ տալով որոշակի հանձնարարականներ շինարարության ժամկետների, բուժսարքավորումների մոնտաժման աշխատանքների վերաբերյալ:
Նախագծային աշխատանքներն իրականացվել են «Հայնախագիծ» ԲԲԸ-ում, ճարտարապետներ Սարգիս Սարդարյանի և Ռուզաննա Մամյանի կողմից: Շինարարական կազմակերպությունը «Ֆիլիշին» ընկերությունն է: