 (2).jpg)
.jpg)
Քաղաքաշինական վերահսկողություն՝ միջազգային չափանիշներին համապատասխան
Քաղաքաշինության նախարարությունում տեղի է ունեցել քաղաքաշինական վերահսկողության միջազգային փորձը թեմայով աշխատանքային խորհրդակցություն, որի ընթացքում նախարարի խորհրդականը բնագավառի մասնագետներին է ներկայացրել մասնավորաբար ԱՄՆ-ում կիրառվող փորձը և հարևան ԻԻՀ-ում կիրառվող քաղաքաշինական վերահսկողության ողջ փաթեթը՝ գոյություն ունեցող մեխանիզմների և մեթոդների համատեքստում:
Խորհրդակցության ընթացքում ծավալված շահագրգիռ քննարկման արդյունքում նախարարն առաջարկել է նախարարության քաղաքաշինական տեսչության մասնագետներին՝ ներկայացնել տեղեկանք-հիմնավորում՝ քաղաքաշինական վերահսկողության ոլորտը միջազգային չափանիշներին համապատասխանեցնելու առումով, ինչը հնարավորություն կտա գործառույթն իրականացնել առավել արդյունավետ՝ գործնականում նպաստելով ինքնակամ ձևախեղումներից կառույցներն ապահովագրելուն և դրանք ավելի անվտանգ դարձնելուն: