ՀՀ ԿԱ քաղաքաշինության պետական կոմիտե

14.03.2016

Երուսաղեմի ռուսական և հայկական սրբավայրերը՝ լուսանկարներում

ՀՀ քաղաքաշինության նախարարության Ճարտարապետության ազգային թանգարան-ինստիտուտում մարտի 29-ին բացվելու է <<Երուսաղեմի ռուսական և հայկական սրբավայրերը>> խորագիրը կրող լուսանկարների ցուցահանդեսը, ձևավորված՝ Սանկտ-Պետերբուրգի կրոնների պատմության պետական թանգարանի հավաքածուի բացառիկ նմուշներով:

Ցուցահանդեսին, որն ընդգրկում է XIX և ХХ դարասկզբի հայտնի լուսանկարիչներ Ֆ. Բոնֆիսի, Բ. Գենտշելի, Ի. Բարշչևսկու և այլոց աշխատանքները, ներկայացվելու են Պաղեստինի կայսերական ուղղափառ ընկերության հավաքածուի 60-ից ավելի լուսանկարներ:

Նկարները, փաստելով և փաստագրելով Հայ Առաքելական եկեղեցու բազմադարյա պատմությունը և ռուսական հոգևոր ներկայությունը Սուրբ երկրում, նպատակ ունեն ներկայացնելու Երուսաղեմի ճարտարապետական հուշարձանները, հայկական և ռուսական տաճարների գեղարվեստական հարդարանքը, սրբավայրերը:

Ցուցահանդեսը բաց է լինելու մինչև 2016 թվականի մայիսի 5 (hասցե՝ ք. Երևան, Կառավարական տուն N 3, հեռ. 010-52-46-30):

Հետադարձ կապ

Երուսաղեմի ռուսական և հայկական սրբավայրերը՝ լուսանկարներում