Բնակարանային տնտեսության եւ հողերի կառավարման բյուրոյի 2009 թվականի դեկտեմբերի 21-ի նիստը քննարկել եւ կարեւոր է համարել մատչելի, անվտանգ եւ էկոլոգիապես ապահով բնակարանների զարգացման քաղաքականության բարելավման անհրաժեշտությունը ՄԱԿ-ի Եվրոպական Տնտեսական Հանձնաժողովի <ԵՏՀ> տարածաշրջանում: 2010 թվականի սեպտեմբերին Ժնեւում կայացած Հողերի եւ բնակարանային տնտեսության կառավարման կոմիտեի 71-րդ նիստը որոշվել է մատչելի, անվտանգ եւ էկոլոգիապես ապահով բնակարանների հնարավոր իրավաբանորեն պարտադիր փաստաթղթի անհրաժեշտությունը, նպատակն ու մոտեցումները բացահայտելու նպատակով ստեղծել աշխատանքային խումբ:
Քաղաքաշինության նախարարությունը մասնակցել է աշխատանքային խմբի 3 հանդիպումներին եւ քննարկումներին: Աշխատանքային խմբի վերջին` 3-րդ հանդիպումը տեղի է ունեցել 2012 թվականի ապրիլի 3-ին:
Աշխատանքային խումբը որոշել է 2012 թվականի աշնանը կայանալիք նիստին ներկայացնել կայուն բնակարանային տնտեսության կոնվենցիայի առավելությունները: Նախատեսվում է, որ տվյալ փաստաթուղթը նպատակաուղղված լինի ՄԱԿ ԵՏՀ-ի տարածաշրջանում բնակարանային տնտեսության կայունության բարելավմանը, ինչը եւ կնպաստի տարածաշրջանի կայուն զարգացմանը:
Հանդիպմանը քննարկվել է ՄԱԿ ԵՏՀ-ի Հողերի եւ բնակարանային տնտեսության կոմիտեի 72-րդ նիստին պայմանավորվածություն ձեռք բերված Հայաստանում <Մատչելի եւ էներգաարդյունավետ բնակարաններ> թեմայով տարածաշրջանային ուսումնական դասընթացներ անցկացնելու վերաբերյալ հարցը: