 (2).jpg)
.jpg)
Բացվեց Մուսալեռան հերոսամարտի 100 ամյակին նվիրված ցուցահանդես
Սեպտեմբերի 15-ին ՀՀ քաղաքաշինության նախարարության Ազգային թանգարան-ինստիտուտ ՊՈԱԿ-ում կայացավ Մուսա լեռան հերոսամարտին նվիրված հուշարձանի (հեղինակ` ճարտարապետ Ռաֆայել Իսրայելյան) նախագծերի, էսքիզների, լուսանկարների ցուցադրության բացումը՝ «Մեկ աշխատանքի ցուցահանդես» խորագրի ներքո: Միաժամանակ բացվեց մուսալեռցի ճարտարապետ Վրեժ Թասլակյանի գեղանկարչական ստեղծագործությունների անհատական ցուցահանդեսը:
Զույգ ցուցահանդեսներին բացման խոսքով հանդես եկավ թանգարան-ինստիտուտի տնօրեն Աշոտ Գրիգորյանը նշելով, որ Մուսալեռան հերոսամարտին նվիրված միջոցառումների շրջանակում կազմակերպված ցուցահանդեսը, գտնվում է ՀՀ կառավարության ուշադրության կենտրոնում և հնարավորություն է ընձեռում ծանոթանալու հայ մեծ ճարտարապետ Ռ. Իսրայելյանի աշխատանքին:
Ելույթ ունեցավ նաև Մուսալեռ Հայրենակցական Միության Կենտրոնական վարչության նախագահ Կամո Տեր Պետրոսյանը` կարևորելով Մուսալեռան հերոսամարտի դերն ու կարևորությունը: