 (2).jpg)
.jpg)
Հեշտանում է շինարարության գործընթացը
Այսօր կայացած ՀՀ կառավարության հերթական նիստի ընթացքում հավանության է արժանացել ՀՀ քաղաքաշինության նախարարի տեղակալ Արամ Բադալյանի ներկայացրած՝ Հայաստանի Հանրապետությունում կառուցապատման նպատակով թույլտվությունների և այլ փաստաթղթերի տրամադրման կարգը հաստատելու մասին որոշման նախագիծը:
Նախարարի տեղակալը նշել է, որ որոշման նախագծի ընդունումը պայմանավորված է ավարտված շինարարության փաստագրման, ոլորտը կարգավորող օրենսդրության հստակեցման և պարզեցման անհրաժեշտությամբ: Մասնավորապես` համաձայն նախագծի սահմանվում է, որ ավարտված շինարարության ընդունող հանձնաժողովը ձևավորում և ղեկավարում է կառուցապատողը, բացառությամբ հատկապես վտանգավոր և տեխնիկապես բարդ դասակարգում ունեցող օբյեկտների:
Այս գործընթացն ապակենտրոնացվում է և դառնում ավելի թափանցիկ ու մատչելի, քանի որ դրանով զբաղվելու է հենց շինարարական օբյեկտի ամենաշահագրգիռ կողմը` կառուցապատողը,- իր խոսքը եզրափակել է փոխնախարար Ա. Բադալյանը:
Վարչապետի դիտարկմամբ այս որոշման շնորհիվ հեշտանում է շինարարության գործընթացը և զերծ մնում արհեստական խոչընդոտներից: