ՀՀ կառավարության նոյեմբերի 21-ի նիստում գործադիրը քննարկել է  քաղաքաշինության ոլորտի վերաբերյալ հարցերը.
ՀՀ կառավարությունը իր նախկինում ընդունած որոշման փոփոխությամբ քաղաքաշինության նախարարության տնտեսած միջոցներից հատկացրել է գումար, Փոքր եւ միջին ձեռնարկությունների համար պահեստի, ջերմատների, չորանոցների եւ գյուղ. մթերքների վերամշակման արտադրամասերի, հաճախ օգտագործվող օրինակելի նախագծերի մշակման եւ դրանց կատալոգի, խորհրդատվական ձեռնարկի ձեւավորման ու հրատարակման համար: Այս նախաձեռնության  արդյունքում կառուցապատողի համար կձեւավորվի նպաստավոր գործարար միջավայր, կկրճատվեն քաղաքաշինական գործունեության ժամկետները՝ շրջանցելով նախագիծ պատվիրելու եւ այն սահմանված կարգով հաստատելու փուլերը: Կխնայվեն նախագծանախահաշվային փաստաթղթերի մշակման եւ փորձաքննության համար նախատեսված ֆինանսական միջոցները, ինչը եւ կնպաստի շինարարության գործունեության խթանմանը եւ փոքր ու միջին ձեռնարկատիրության զարգացմանը:

2013 թվականի պետական բյուջեով նախատեսված մի շարք օբյեկտների ավարտման, նախագծանախահաշվային փաստաթղթերի մշակման համար ՀՀ կառավարությունը մեկ այլ որոշման փոփոխությամբ կրկին քաղաքաշինության նախարարությանը` իր տնտեսած  միջոցներից գումար է հատկացրել: Մեկ այլ փոփոխությամբ կրկին նախարարության տնտեսած միջոցներից հատկացրել է միջոցներ` հրատապ լուծում պահանջող մի շարք օբյեկտների ավարտման եւ լրացուցիչ աշխատանքների ֆինանսավորման համար: