ՀՀ քաղաքաշինության նախարարությունը հետևողական է քաղաքաշինության բնագավառում տրված գործունեության լիցենզիաների վերահսկողության հարցում: Մանրակրկիտ ուսումնասիրվում է ընկերությունների հաշվետվությունները և ամսեկան մեկ անգամ պարբերականությամբ տեղի ունեցող հանձնաժողովի նիստերի արդյունքում, հայտնաբերված թերացումների հիմքով,  նախարարին ներկայացվում այս կամ այն ընկերության գործունեության լիցենզիայի  կասեցման  հարցը:
Քաղաքաշինության  նախարարի հրամաններով, ուսումնասիրությունների արդյունքում,  երրորդ եռամսյակի տվյալներով,  կասեցվել են թվով 326 անձանց 34 լիցենզիաների եւ 517 ներդիրների գործողությունը: Կասեցումների  հիմք են հանդիսացել լիցենզիաների /ներդիրների/ տարեկան պետական տուրքը չվճարելը, շինարարության որակի տեխնիկական հսկողության, շենքերի եւ շինությունների տեխնիկական վիճակի հետազննության եւ շինարարության իրականացման եռամսյակային հաշվետվությունները չներկայացնելը, շինարարության որակի տեխնիկական հսկողության եռամսյակային հաշվետվությունները թերի ներկայացնելը:
 Լիցենզիաների /ներդիրների/ կասեցումները հիմնականում վերաբերում են գործունեության հետեւյալ տեսակներին` <Շինարարության իրականացում>, <Քաղաքաշինական փաստաթղթերի մշակում եւ փորձաքննություն>, <Ինժեներական հետազննում>, <Շինարարության որակի տեխնիկական հսկողություն> ու <Շենքերի եւ շինությունների տեխնիկական վիճակի հետազննություն> բնագավառներին: Լիցենզիաների կասեցումից հետո լիցենզավորված իրավաբանական անձինք օրենքվ սահմանված կարգով տեղեկացվել են: