 (2).jpg)
.jpg)
11.01.2023
Քննարկվել է բազմաբնակարան շենքի կառավարումը որպես մասնագիտացված գործունեություն դիտարկելու նախագիծը
««Բազմաբնակարան շենքերի կառավարման մասին» օրենքում փոփոխություն և լրացում կատարելու մասին» օրենքի նախագիծն այսօր քննարկվել է ԱԺ տարածքային կառավարման, տեղական ինքնակառավարման, գյուղատնտեսության և շրջակա միջավայրի պահպանության հարցերի մշտական հանձնաժողովի նիստում:
Նախագծի նպատակն է բազմաբնակարան շենքի կառավարումը դիտարկել որպես մասնագիտացված գործունեության տեսակ: Կառավարության համար լիազորող նորմեր կնախատեսվեն՝ բազմաբնակարան շենքերի կառավարման գործառույթներ իրականացնող անձանց մասնագիտական որակավորմանը ներկայացվող պահանջները սահմանելու, այդ պահանջների հիման վրա անձանց վերապատրաստման և բազմաբնակարան շենքերի կառավարմանը ներգրավելու կարգ սահմանելու մասով:
Հարցը ներկայացնելիս ՀՀ քաղաքաշինության կոմիտեի նախագահ Արմեն Ղուլարյանը նշել է, որ առաջինից երկրորդ ընթերցում կատարվել են շտկումներ:
Ազգային ժողովի կողմից ընդունվելու դեպքում օրենքն ուժի մեջ կմտնի 2025 թվականից, որին կնախորդեն օրենքից բխող ենթաօրեսդրական ակտերի և վերապատրաստման դասընթացիների մշակման, ապա դասընթացների կազմակերպման ու մեկնարկի աշխատանքները: