 (2).jpg)
.jpg)
Աշխատանքային երկարամյա գործունեության և ծննդյան 60-ամյակի առթիվ Քաղաքաշինության կոմիտեն շնորհավորել է աշխատակից Գայանե Գևորգյանին
Այսօր Քաղաքաշինության կոմիտեի երկարամյա աշխատակից Գայանե Գևորգյանի ծննդյան 60-ամյակն է: Հոբելյանական օրվա և աշխատանքային երկարամյա գործունեության առթիվ նրան շնորհավորել ու շնորհակալագիր են հանձնել կոմիտեի նախագահ Արմեն Ղուլարյանը և գլխավոր քարտուղար Արամ Մկրտչյանը:
Նրանք շնորհակալություն են հայտնել հանձնարարականների կատարման հսկողության բաժնի պետ Գայանե Գևորգյանին տարիների նվիրված և արդյունավետ աշխատանքի համար: Ընդգծելով նրան վստահված աշխատանքի կատարման համար պահանջվող պատասխանատվության և ուշադրության բարձր աստիճանը՝ կոմիտեի ղեկավարը կարևորել է Գայանե Գևորգյանի արհեստավարժությունը, տարիներով կոփված մասնագիտական փորձն ու հմտությունները:
Գայանե Գևորգյանը համակարգում աշխատում է շուրջ 32 տարի: Նա կանգնած է այն բաժնի ստեղծման ակունքներում, որն այսօր ղեկավարում է:
Քաղաքաշինության կոմիտեի ողջ անձնակազմը Գայանե Գևորգյանին մաղթում է առողջություն՝ նույն եռանդով շարունակելու համատեղ ճանապարհը և գրանցելու աշխատանքային նորանոր հաջողություններ: