Դարը լավատեսությամբ հաղթահարած ճարտարապետը

     2021 թվականի նոյեմբերի 7-ին լրացել է Հայաստանի Ճարտարապետների միության անդամ, Հայրենական Մեծ պատերազմի ակտիվ մասնակից, վաստակավոր ճարտարապետ՝ Հրանտ Մելիքսեթի Կարապետյանի 100-ամյակը:
     Այդ առիթով ՀՀ քաղաքաշինության կոմիտեի նախագահի հրամանով՝ Քաղաքաշինության բնագավառում ներդրած ավանդի և երկարամյա աշխատանքային գործունեության համար, ինչպես նաև ծննդյան 100-ամյակի կապակցությամբ՝ Հրանտ Կարապետյանը պարգևատրվել է «Քաղաքաշինության բնագավառում նշանակալի ավանդի համար» ոսկե մեդալով։
     Մեդալը անվանի ճարտարապետին են հանձնել ՀՀ քաղաքաշինության կոմիտեի նախագահ Արմեն Ղուլարյանը և Հայաստանի ճարտարապետների պալատի նախագահ Մկրտիչ Մինասյանը:
     ՀՀ քաղաքաշինության կոմիտեն և Հայաստանի ճարտարապետների պալատն ի սրտե շնորհավորում են շնորհաշատ ճարտարապետին մեկդարյա հոբելյանի առթիվ ու մաղթում ամուր առողջություն և ստեղծագործական մեծ եռանդ:
     Հանդիպման ընթացքում հոբելյարը իրեն հատուկ լավատեսությամբ հաճախ դիմում էր ներկաներին՝ նշելով, որ դեռ կհանդիպենք: