 (2).jpg)
.jpg)
ՀՀ քաղաքաշինության նախարարը “Ծածկած շուկայի” շինհրապարակում էր
Երեկ, Ազգային ժողովի հարցուպատասխանից անմիջապես հետո ՀՀ քաղաքաշինության նախարար Սամվել Թադեւոսյանը այցելեց “Ծածկած շուկայի” շինհրապարակ` տեղում շինմոնտաժային աշխատանքների ներկա իրավիճակին ծանոթանալու համար: Նախարար Ս. Թադեւոսյանը եւս մեկ անգամ շինհրապարակում համոզվեց, որ շուկայի վերգետնյա հատվածում շինմոնտաժային աշխատանքներ չեն իրականացվում:
Քաղաքաշինական պետական տեսչության պետ Ս. Հայրապետյանի հավստամբ “Ծածկած շուկայի” շինաշխատանքները մշտապես տեսչության ուշադրության կենտրոնում են:
Հիշեցնենք, որ երեկվա Աժ-կառավարություն հարցուպատասխանի ժամանակ, ի պատասխան ՀՀ քաղաքաշինության նախարար Սամվել Թադեւոսյանի պնդման, թե այս պահին դադարեցված են “Ծածկած շուկայի” վերգետնյա հատվածի շինմոնտաժային աշխատանքները` ԱԺ պատգամավոր Զարուհի Փոստանջյանը ցանկություն հայտնեց նիստից հետո նախարարի հետ այցելել շինհրապարակ: