 (2).jpg)
.jpg)
Փաստաթղթային ապացույց՝ Ալեքսանդր Թամանյանի ոսկե մեդալի կապակցությամբ
ՀՀ քաղաքաշինության կոմիտեի Ալեքսանդր Թամանյանի անվան ճարտարապետության ազգային թանգարան-ինստիտուտը Ֆրանսիայի ազգային արխիվից փաստաթղթային հաստատում է ձեռք բերել, որ 1937 թվականի Համաշխարհային ցուցահանդեսում Ալեքսանդր Թամանյանը ոսկե մեդալ է ստացել Օպերայի և Բալետի թատրոնի շենքի նախագծի համար:
Մինչ օրս տարբեր աղբյուրներ նշում էին տարբեր վաստակի պարգևներ, երբեմն նույնիսկ շշուկներ էին պտտվում՝ կասկածի տակ դնելով մրցանակ ստանալու փաստը:
- Այս հարցը պարզելու համար դիմեցինք Ֆրանսիայի ազգային արխիվներին և այնտեղից պատասխան եկավ՝ երեք սքանի ձևով: Նշված է գրական աղբյուրը, ժյուրին ողջ կազմով և որ Ալեքսանդր Թամանյանը ստացել է ոսկե մեդալ,-պատմում է թանգարան-ինստիտուտի տնօրեն Մարկ Գրիգորյանը և շարունակում, որ սա ավելի շատ գիտական նշանակություն ունեցող երևույթ է, և այս գործողությունից հետո թանգարան-ինստիտուտը 20-րդ դարի հայ ճարտարապետության պատմության մեջ ամուր կետ «դրեց»։