 (2).jpg)
.jpg)
14.01.2021
Գագիկ Հմայակի Մարտիրոսյանը պարգևատրվել է «Քաղաքաշինության բնագավառում նշանակալի ավանդի համար» ոսկե մեդալով
Քաղաքաշինության բնագավառում ներդրած ավանդի և երկարամյա աշխատանքային գործունեության համար, ինչպես նաև ծննդյան 70-ամյակի կապակցությամբ Գագիկ Հմայակի Մարտիրոսյանը պարգևատրվել է «Քաղաքաշինության բնագավառում նշանակալի ավանդի համար» ոսկե մեդալով:
Գագիկ Մարտիրոսյանն իր գործունեության հիմնական մասը՝ Խորհրդային տարիներից ի վեր, նվիրել է պետական կառավարման համակարգին՝ նախ որպես Հայկական ԽՍՀ Գերագույն խորհրդի պատգամավոր, ապա Շինարարության նախարար, Պետական նախարար, Էներգետիկայի, արտադրական ենթակառուցվածքների գործունեությունը համակարգող նախարար, Ջրային տնտեսության պետական կոմիտեի նախագահ, Հայաստանի վարչապետի խորհրդական:
Անգնահատելի է նրա ավանդը քաղաքաշինության ոլորտում, հատկապես 1988 թվականի Սպիտակի երկրաշարժից տուժած բնակավայրերի վերականգնման գործում, բազմաթիվ են նրա կողմից համակարգված և իրականացված շենքային համալիրների և ենթակառուցվածքների նախագծման ու կառուցման աշխատանքները:
Հարգելի Գագիկ Հմայակի, ՀՀ քաղաքաշինության կոմիտեի և անձամբ իմ անունից ջերմորեն շնորհավորում եմ Ձեզ՝ ծննդյան 70-ամյա հոբելյանի առթիվ, մաղթում առողջություն, երկար տարիների խաղաղ ու երջանիկ կյանք, բեղմնավոր գործունեություն՝ ի նպաստ մեր պետականության և քաղաքաշինության բնագավառի զարգացման:
Անգնահատելի է նրա ավանդը քաղաքաշինության ոլորտում, հատկապես 1988 թվականի Սպիտակի երկրաշարժից տուժած բնակավայրերի վերականգնման գործում, բազմաթիվ են նրա կողմից համակարգված և իրականացված շենքային համալիրների և ենթակառուցվածքների նախագծման ու կառուցման աշխատանքները:
Հարգելի Գագիկ Հմայակի, ՀՀ քաղաքաշինության կոմիտեի և անձամբ իմ անունից ջերմորեն շնորհավորում եմ Ձեզ՝ ծննդյան 70-ամյա հոբելյանի առթիվ, մաղթում առողջություն, երկար տարիների խաղաղ ու երջանիկ կյանք, բեղմնավոր գործունեություն՝ ի նպաստ մեր պետականության և քաղաքաշինության բնագավառի զարգացման:
Հարգանքով`
ՀՀ քաղաքաշինության կոմիտեի նախագահի պարտականությունները կատարող Արմեն Ղուլարյան