 (2).jpg)
.jpg)
30.12.2020
Քաղաքաշինության կոմիտեի աշխատակիցները Հայրենիքի պաշտպանի վերականգնողական կենտրոնում
«Ես անկողնուց ինքնուրույն դեռ չեմ կարողանում տեղաշարժվել, բայց սայլակին նստած՝ հարդարում եմ անկողինս: Շատերը քայլում են, բայց իրենց անկողինը չեն հարդարում իրենց հետևից»
Սրանք զինվորական հաշմանդամ Հենրիկ Նիկողոսյանի խոսքերն են.. Հայրենիքի համար կյանքը չխնայած մեր տղաներին հնարավորինս շուտ լիարժեք կյանքի վերադարձած տեսնելու հույսով և վստահությամբ Քաղաքաշինության կոմիտեի աշխատակիցների կողմից տարեվերջին հանգանակված 4.7 մլն. դրամն ուղղվեց Հայրենիքի պաշտպանի վերականգնողական կենտրոնում բուժում ստացող վիրավոր զինվորների և զինվորական հաշմանդամների վերականգնողական խնդիրների լուծմանը:
Սեպտեմբերի 27-ին Արցախի դեմ Ադրբեջանի սանձազերծած պատերազմական գործողությունների հետևանքով հաշմանդամություն ունեցող զինծառայողների թիվն անհամեմատ մեծացել է և անհրաժեշտություն կա ընդլայնել կենտրոնի տարածքն ու կարողությունները:Կոմիտեի աշխատակիցներն այսօր կենտրոն կատարած այցի ընթացքում փոխանցել են Կոմիտեի պատրաստակամությունը՝ իրավասությունների և մասնագիտական ներուժի շրջանակներում աջակցել այս հարցերի կանոնակարգմանը:
Հավերժ փառք մեր ընկած և ողջ հերոսներին