Միանալով ՀՀ վարչապետի կոչին՝ դիմում եմ Քաղաքաշինության կոմիտեի բոլոր աշխատակիցներին՝ կամավորագրվել Հայրենիքի պաշտպանության սուրբ գործին:
    Ազգի համար վճռորոշ այս ժամանակահատվածում առավել քան երբևէ մենք պետք է լինենք միասնական և համախմբված:
     Մեր օջախներն ու ընտանիքները, մեր երեխաների ապագան մեր պաշտպանության կարիքն ունեն:
     Դիմում եմ նաև քաղաքաշինության բնագավառում գործունեություն ծավալող կազմակերպություններին, մասնագիտական հանրությանը, իմ բոլոր ընկերներին, եղբայրներին, որդիներին՝ առաջարկելով ձևավորել կամավորական ջոկատներ և մեր գոյության ու ինքնության այս պատերազմը հասցնել հաղթական ավարտին:
     Այս պայքարում մենք պետք ենք և´ որպես զինվոր, և´ որպես ճարտարապետ ու շինարար:
     Հանուն միասնական Հայրենիքի, հանուն միասնական Հաղթանակի՝ մենք երկմտելու և հապաղելու իրավունք չունենք: Եվ ուրեմն ի զեն և ի գործ՝ մինչև հաղթական ավարտ:

         Կեցցե՛ Հայաստանի Հանրապետությունը
         Կեցցե՛ Արցախի Հանրապետությունը
         Փա՛ռք Հայոց բանակին