Հայաստանի ճարտարապետների պալատի հարգարժան նախագահ Մկրտիչ Մինասյան, վաստակաշատ ու երիտասարդ ճարտարապետներ, ոլորտի նվիրյալներ ՀՀ քաղաքաշինության կոմիտեի անունից ջերմորեն շնորհավորում եմ բոլորիս մասնագիտական տոնի կապակցությամբ:
    Ճարտարապետությունն ավելին է, քան պարզապես մասնագիտություն, այն կենսակերպ է և որոշում՝ թողնելու ձեռագիր ոչ միայն անհատների կյանքում, այլև հասարակության, ժողովուրդների համար և պատմության մեջ: Ճարտարապետներն են, որ հեղինակն են մեր հին ու նոր շինությունների, կառույցների, որոնցով հպարտանում ենք, որոնք մեր երկրի ու ազգային ինքնության դեմքն են:
    Ցանկանում եմ, որ Ձեր հանճարեղ մտահղացումներն անպայմանորեն կյանքի կոչվեն, խաղաղ երկնքի տակ կառուցվեն կանաչ քաղաքներ, ենթակառուցվածքներ, աշտարակներ, կամուրջներ: Աշխարհը Ձեզնից նոր հրաշալիքներ է սպասում:
    Հարգարժան բարեկամներ, գործընկերներ, վստահ եմ, որ հայկական ժամանակակից ճարտարապետության վերելքը դեռևս առջևում է, և այսօր էլ գործադրվող ջանքերն ու քաղաքաշինության բնագավառում իրականացվող բարեփոխումները նշանալի դեր կունենան այդ ուղղությամբ անհրաժեշտ բոլոր նախապայմանները ստեղծելու, դարերից եկող մեր արժեքավոր ավանդույթները պահպանելու համար: