Շինարարական աննախադեպ ծրագրեր են սպասվում և՛ քանական, և՛ ֆինանսական առումով: ՀՀ քաղաքաշինության կոմիտեի նախագահի պարտականությունները կատարող Արմեն Ղուլարյանը նշել է, որ ընդհանուր առմամբ, կոմիտեում մշակվում են 74 կրթական, մշակութային և մարզական նշանակության օբյեկտների նախագծային աշխատանքներ, դրանց մի մասն արդեն ավարտման փուլում է, մի մասն էլ կավարտվի մինչև հուլիս, օգոստոս: ԿԳՄՍ նախարարության հետ քննարկման արդյունքում պարզ է դարձել, որ նաև պատրաստ է  նախարարության պատվիրատվությամբ ևս 30 օբյեկտների նախագծման աշխատանքներ, մի մասը պատրաստ է, մի մասն էլ ընթացքի մեջ է: «Ընդհանուր առմամբ, այսօր կարելի է ասել, որ 111 օբյեկտների կրթական, մշակութային, սպորտային օբյեկտների նախագծային աշխատանքներն ավարտված կամ աշխատանքի փուլում են: Դրանցից 90-ի շինարարության մրցույթներն ըստ նախնական պայմանավորվածության կիրականացնի կոմիտեն, մյուս օբյեկտների շինարարական մրցույթները կիրականացվեն նախարարության պատվիրակությամբ»,-ասել է Արմեն Ղուլարյանը: 12 օբյեկտներ, որոնք առողջապահական նշանակության են, արդեն նախագծային աշխատանքների փուլում են և կավարտվեն նույն ժամանակահատվածում:

Մանրամասները տեսանյությում` https://www.youtube.com/watch?v=ggpHD5bGeHM&fbclid=IwAR2ajp8QDG09rAF4LmD1-e8iqOtrPst5hO4JnKnR1fSd4wgAQ3CAZuoVuk0