 (2).jpg)
.jpg)
Ցավակցական խոսք Արիանա Կաոլիի մահվան կապակցությամբ
ՀՀ քաղաքաշինության կոմիտեի ողջ աշխատակազմի և անձամբ իմ անունից խորին վշտակցություն եմ հայտնում Արիանա Կաոլիի անժամանակ վախճանի կապակցությամբ: Նա Հայաստանի առաջատար գրոսմայստեր, ՖԻԴԵ-ի աշխարհի գավաթակիր Լևոն Արոնյանի կինն էր: Սիրահարված էր մեր հայրենիքին և հայ ժողովրդին: Հայաստանի հետ էին կապված նրա բոլոր ծրագրերը, բարեգործական նախաձեռնությունները:
Արիանա Կաոլին մեր երկրում նաև սոցիալական բնակարանաշինության կայացման ջատագովն էր: Բոլոր հանդիպումներին նա նշում էր, որ նպատակ ունի ներդրումների ներգրավման միջոցով նպաստել մեր երկրի միջին եկամուտ ունեցող ընտանիքներին մատչելի և որակյալ բնակարաններով ապահովելուն և հայրենադարձությանը:
Արիանայի հետ շատ ծրագրեր էինք կազմել, ցավոք մնացին անավարտ:
Սփոփանքի խոսքեր չեմ գտնում ասելու մեր սիրելի Լևոնին:
Լույս և խաղաղություն հոգուն …