 (2).jpg)
.jpg)
27.03.2020
ՀՀ քաղաքաշինության կոմիտեն մասնագիտական աջակցություն է ցուցաբերում կորոնավիրուսի (COVID-19) դեմ պայքարի միջոցառումների շրջանակում
ՀՀ քաղաքաշինության կոմիտեն մասնագիտական աջակցություն է ցուցաբերում կորոնավիրուսի (COVID-19) դեմ պայքարի միջոցառումների շրջանակում տարբեր հիվանդանոցային ենթակառուցվածքների վերապրոֆիլավորման, նոր հզորությունների ստեղծման աշխատանքներին։ Առողջապահության նախարար Արսեն Թորոսյանի միջնորդությամբ և Քաղաքաշինության կոմիտեի նախագահի պարտականությունները կատարող Արմեն Ղուլարյանի հանձնարարությամբ, Կոմիտեի մասնագիտական խումբը՝ քաղաքաշինական ծրագրերի իրականացման վարչության պետ Արսեն Միրզոյանի ղեկավարմամբ համակարգում է նշված մեծածավալ աշխատանքները։
"Նորք" ինֆեկցիոն հիվանդանոցը համալրվել է 70 ԿՎԱ հզորությամբ, ինտենսիվ բուժման բաժանմունքը սնուցող, դիզելային գեներատորով՝ ապահովելու համար ամբողջ բաժանմունքի անխափան աշխատանքը։ "Օրթոպեդիկ" հիվանդանոցի ամբողջ ծավալի այլընտրանքային սնուցումը ապահովող դիզելային 220 ԿՎՏ հզորությամբ գեներատորը նույնպես պատրաստ է։ Հարկ է նշել, որ նշված բժշկական կենտրոնը ևս վերապրոֆիլավորվել է կորոնավիրուսի(COVID-19) բուժման հաստատության:
ՀՀ քաղաքաշինության կոմիտեն շնորհակալություն է հայտնում ներգրավված ընկերություններին, մատակարարներին, մասնագետներին և անհատներին շուրջօրյա գրաֆիկով աշխատանքները կազմակերպելու համար։ Յուրաքանչյուր ոք անձնական բարձր պատասխանատվությամբ է իրականացնում առաջադրված հրատապ լուծման ենթակա խնդիրների իր մասնաբաժինը: Այս ամենը կրկնակի եռանդ է հաղորդում համակարգող թիմին և վստահություն ներշնչում վերջնական հաղթանակի հասնելու գործում։