Հոկտեմբերի առաջին երկուշաբթին Ճարտարապետի միջազգային օրն է: Շնորհավորում եմ բոլորիս այս հրաշալի իրադարձության առիթով: Ճարտարապետությունը ավելին է, քան պարզապես մասնագիտություն, այն կոչում է կյանքի ուղի և որոշում թողնելու ձեռագիր ոչ միայն անհատների կյանքում, այլև հասարակության, տարբեր ժողովուրդների համար և պատմության մեջ: Սիրելիներս, Ճարտարապետներն են, որ հեղինակն են մեր հին ու նոր շինությունների, որոնցով հպարտանում ենք, կառույցների, որ մեր երկրի դեմքն են: Հարգարժան ճարտարապետներ, հայկական ժամանակակից ճարտարապետությունը պետք է վերելք ապրի՝ պահպանելով դարերից եկող մեր արժեքավոր ավանդույթները, և ՀՀ կառավարությունը այժմ ստեղծել է դրա համար անհրաժեշտ բոլոր նախապայմանները: Ներդրումների աճը, ոլորտի լավագույն մասնագետների հայրենադարձությունը, նոր ծրագրերը շինարարական բում են խոստանում առաջիկայում: Վաղուց ժամանակն է, որ անցյալում թողնենք մասնագիտական բոլոր տարաձայնությունները և ամենօրյա համատեղ աշխատանքի, համագործակցության, բարի դրացիական հարաբերությունների դաշտում քայլ անենք դեպի առաջ: Քաղաքաշինության բնագավառը ցավոք շատ է հետ ընկել, իսկ մենք կարող ենք ավելին, և վստահ եղեք, որ շուտով ոլորտում բարեփոխումները նշանալի դեր կունենան և նոր խթան կհանդիասանան Հայաստանի Հանրապետության տնտեսության զարգացմանը: Հարգարժան ճարտարապետներ, կրկին շնորհավորում եմ Ձեզ մասնագիտական տոնի կապակցությամբ և մաղթում եմ ստեղծագործական մտքի նոր թռիչք, բարեկեցություն և հաջողություններ բոլոր նախաձեռնություններում …