 (2).jpg)
.jpg)
Կառավարությունը 560 մլն դրամ հատկացրեց երկրաշարժից տուժած 61ընտանիքի բնակարանային խնդիրների լուծման համար
Կառավարության այսօրվա նիստում Քաղաքաշինության կոմիտեի նախագահ Վահագն Վերմիշյանի կողմից ներկայացված որոշումն ընդունվել է: Ամրագրվել են երկրաշարժի հետևանքով անօթևան մնացած ընտանիքների բնակարանային խնդիրների լուծմանն ուղղված պետական աջակցության ծրագրի իրականացման համար 2019թ. պետբյուջեով հատկացված 560.0 մլն. դրամի հաշվին իրականացվելիք միջոցառումները: Մասնավորապես, որոշմամբ նախատեսվում է նշված գումարի շրջանակում լուծել երկրաշարժից անօթևան 61 ընտանիքի (Լոռիում-40, Շիրակում-15, Արագածոտնում-6) բնակարանային խնդիր, ինչպես նաև Լոռու գյուղական բնակավայրերում ծրագրի շահառու ճանաչված ընտանիքների համար կառուցված 31 բնակելի տների թերությունների վերացման արդյունքում կապահովվի այդ բնակելի տների նկատմամբ շահառուների սեփականության իրավունքի գրանցման գործընթացը: