 (2).jpg)
.jpg)
05.08.2019
Քաղաքաշինության կոմիտեի նախագահ Վահագն Վերմիշյանի գլխավորությամբ արտագնա նիստ է տեղի ունեցել Գյումրիում
ՀՀ վարչապետի որոշմամբ ստեղծված, քաղաքաշինության կոմիտեի նախագահ Վահագն Վերմիշյանի գլխավորությամբ գործող աղետի գոտու հիմնախնդիրների, մասնավորապես՝ ոչ հիմնական շինություննների փաստագրման աշխատանքային խումբն արտագնա նիստ է անցկացրել Գյումրիում: Շիրակի մարզպետ Տիգրան Պետրոսյանի, քաղաքաշինության կոմիտեի նախագահի առաջին տեղակալ Արմեն Ղուլարյանի, խորհրդական Արմեն Մինասյանի, վարչության պետերի, Լոռու և Արագածոտնի մարզպետարանների, հասարակական կազմակերպությունների ներկայացուցիչների մասնակցությամբ հանդիպմանը քննարկվել են ՀՀ վարչապետի հանձնարարականների կատարման հետ կապված հարցերը և ՀՀ վարչապետի աշխատակազմ ներկայացված առաջարկությունների փաթեթի իրագործմանն ուղղված հետագա քայլերը։