 (2).jpg)
.jpg)
Վահագն Վերմիշյանը հանձնել է քաղաքաշինության բնագավառում գործունեություն իրականացնող կազմակերպությունների նոր լիցենզիաները
Նոր որակի աշխատանք է հարկավոր: Հայ նախագծողներն ու ճարտարապետներն ամբողջ աշխարհում են հեղինակություն վայելում, ուստի մենք այսօր բարենպաստ պայմաններ ապահովելու միջոցով անկում ապրած այս ոլորտը պետք է զարգացնենք: Այս մասին ասել է ՀՀ քաղաքաշինության կոմիտեի նախագահ Վահագն Վերմիշյանը՝ հանդիպելով քաղաքաշինության բնագավառում լիցենզավորված իրավաբանական անձ հանդիսացող մի քանի տասնյակ ընկերությունների տնօրենների հետ: Վահագն Վերմիշյանը հանձնել է քաղաքաշինության բնագավառում գործունեություն իրականացնող կազմակերպությունների նոր լիցենզիաները և նշել, որ մասնագետի պատիվն ազնիվ ու լավ աշխատանքով է բարձր պահվում: Հնչել են առաջարկություններ, քննարկվել զարգացման հեռանկարները: ՀՀ քաղաքաշինության կոմիտեի նախագահը շնորհավորել է վերջիններիս և հաջողություններ մաղթել հետագա աշխատանքներում: