 (2).jpg)
.jpg)
Վահագն Վերմիշյանը հանդիպել է ՀՀ սպորտի եւ երիտասարդության հարցերի նախարարի պաշտոնակատար Գաբրիել Ղազարյանի հետ
ՀՀ քաղաքաշինության կոմիտեի նախագահ Վահագն Վերմիշյանը հանդիպել է ՀՀ սպորտի եւ երիտասարդության հարցերի նախարարի պաշտոնակատար Գաբրիել Ղազարյանի հետ: Փոխհամաձայնեցված աշխատանքային օրակարգ ձևավորելու և առաջիկա ծրագրերը հստակեցնելու վերաբերյալ պայմանավորություններ են ձեռք բերվել: Ըստ առաջնահերթության մարզադպրոցների վերակառուցման ու նոր մարզադպրոցների շինարարության հետ կապված քաղաքաշինության կոմիտեի նախագահն առաջարկել է, միջազգային փորձը հաշվի առնելով, աշխատանքները կազմակերպել տիպային նախագծերով ու արդի տեխնոլոգիաների կիրառմամբ, մասնավորապես՝ թեթև կոնստրուկցիաներով: Սա թույլ կտա ընդամենը մի քանի ամսվա ընթացքում կառուցել օրինակելի մարզադպրոցներ: Կողմերն անդրադարձել են նաև Հունահռոմեական ոճի ըմբշամարտի Օլիմպիական խաղերի, աշխարհի և Եվրոպայի չեմպիոն Արթուր Ալեքսանյանի անվան մարզադպրոցի խնդրին: Այս մասին օրերս հստակ որոշում և աշխատանքային ուղեցույց կկազմվի: