 (2).jpg)
.jpg)
Քաղաքացիների ընդունելություն ՀՀ քաղաքաշինության կոմիտեի նախագահ Վահագն Վերմիշյանի մոտ
Քաղաքաշինության ու ճարտարապետության բնագավառում նորարարությունների, գործող օրենքներում բացթողումների լրացման, թույլ տրված խախտումների և այլ հարցերով են քաղաքացիներն այսօր դիմել ՀՀ քաղաքաշինության կոմիտեի նախագահ Վահագն Վերմիշյանին: Հնչել են առաջարկություններ: Հնարավորություն ունենալով ոլորտի ղեկավարին անձամբ մանրամասն ներկայացնել խնդիրների բովանդակությունը և իրենց դիրքորոշումը՝ ընդունելությանը հերթագրված քաղաքացիները հարցերի վերաբերյալ պատասխան ու պարզաբանումներ են ստացել Վահագն Վերմիշյանից ու աշխատակազմի մյուս պատասխանատուներից: ՀՀ քաղաքաշինության կոմիտեի նախագահը հանձնարարել է խնդիրներին համապատասխան ընթացք տալ՝ համատեղ աշխատելով ընդունելությանը դիմած քաղաքացիների հետ, հաշվի առնել նրանց մոտեցումները: Հիշեցնենք, որ ՀՀ քաղաքաշինության կոմիտեի նախագահ Վահագն Վերմիշյանի հանձնարարությամբ ամեն ամսվա վերջին ուրբաթ օրը, այսուհետ ևս կկազմակերպվի քաղաքացիների ընդունելություն: Հերթագրվելու համար զանգահարեք՝ 011 621 711: