 (2).jpg)
.jpg)
ՀՀ քաղաքաշինության կոմիտեի նախագահի ղեկավարությամբ գործող աշխատանքային խումբն արտագնա հանդիպում է ունեցել Լոռու մարզպետարանում:
Այլևս պետք է մոռանանք աղետի գոտի խոսքը և նշվի կյանքի գոտի: Եթե կա ընտանիք, երեխաներ, որ անօթևան են, անկախ այն հանգամանքից, թե դա տեղի է ունեցել աղետի կամ այլ հետևանքով, ուրեմն մենք ունենք խնդիր, որի լուծման իրատեսական տարբերակները պետք է միասին գտնենք: Այս մասին ասել է ՀՀ քաղաքաշինության կոմիտեի նախագահ Վահագն Վերմիշյանը` հանդիպում ունենալով Լոռու մարզպետ Անդրեյ Ղուկասյանի հետ:
ՀՀ քաղաքաշինության կոմիտեի նախագահի ղեկավարությամբ գործող աշխատանքային խումբն արտագնա հանդիպում է ունեցել Լոռու մարզպետարանում:
Հիշեցնենք, որ աշխատանքային խումբը ստեղծվել է ՀՀ վարչապետի 20.12.2018թ. N1658-Ա որոշմամբ՝ երկրաշարժից հետո աղետի գոտու բնակավայրերում տեղադրված կամ կառուցված ժամանակավոր ոչ հիմնական շինությունների փաստագրման արդյունքների ամփոփման և դրանց հիման վրա տարածքները ոչ հիմնական շինություններից ազատելու, դրանցում բնակվող ընտանիքներին վերաբնակեցնելու վերաբերյալ առաջարկությունների մշակման, խնդրի լուծման համար անհրաժեշտ ֆինանսական միջոցների չափի հաշվարկման նպատակով: